ATIVIDADE ESTAJIU INSTITUSIONAL IHA KAMPUS SENTRAL ESTUDANTE SIRA FINALIZA ONA
Dili-Universidade da Paz (UNPAZ) nia estudante Semester VII, ne’ebé kompostu husi Fakuldade neen (6), finaliza sira-nia ativiadde estájiu institusional tinan akadémiku 2024, iha kampus Sentral UNPAZ (5/06/24).
Komisaun Supervizaun Tekniku, Van Basten M. F. Koy, Lic. Tec., M.Ars, hateten estájiu institusional ida ne’e komesa iha dia 14 de Maiu, graças deus servisu la’o ho di’ak ba estudante estajiadu/a sira, kuaze finaliza hotu ona sira-nia servisu iha semana rua nia laran.
"Ohin loron estudante sira remata ona sira-nia servisu fisiku nian ne’e, agora ba oin sira sei haree fali ba sira-nia relatóriu no aban ita sei kontinua nafatin servisu fisiku, maibé ba Dosente ho Funsionariu sira hotu iha Kampus Sentral Universidade da Paz (UNPAZ), atu nune’e ita bele finaliza servisu sira ne’ebé mak ita labele fahe ba grupu estudante sira nian, ita sei iha loron tolu aban to’o sabadu ita sei bele finaliza hotu servisu fisiku ne’ebé seidauk."
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
